this bag is one of the various designs of "Lucy" at "attic24", i just love her designs and how she explains her pattern and work making it easy even for beginners to make such big projects and succeed, thank u so much Lucy for all the beautiful patterns u generously share with us
the pattern for the bag could be found at the following link :
http://attic24.typepad.com/weblog/crochet-bag.html
http://attic24.typepad.com/weblog/crochet-flowers-and-leaves.html
الشنطه دي من صنع ايدي و تصميم "لوسي" علي موقعها "attic24"
و انا بحب كل تصميمتها و اختياراتها في الالوان و احب اشكرها علي كل الاعمال الجميله اللي بتشاركينا بيها و دي الطريقه لعمل الشنطه :
http://attic24.typepad.com/weblog/crochet-bag.html
و ده اللينك بتاع الوردات و ورق الشجر:
http://attic24.typepad.com/weblog/crochet-flowers-and-leaves.html
خطوات العمل :
انا عملت الشنطه دي بالقطن المصري "قطن مصر البيضا" و استعملت ابره مقاس صغير لكن هي يفضل تتنفذ بالصوف و ابره مقاس 5 mm
عشان الغرز تكون مشدوده و شكلها حلو
*الطريقه:
1-اعملي 4 سلسله و اقفليهم حلقه
"من الاول و انت بتشتغلي اظبطي الشنطه بحيث انت تكوني بتشتغلي و وشها من بره ناحيتك"
2-الصف الاول :
اعملي 3 سلسله (نعتبرهم العمود الاول) و بعدين اشتغلي 10 عمود كمان و هندخل و نطلع من قلب الدائره نفسها و بعدين اقفلي الصف و هنكمل لسه مش هنغير اللون
3-الصف الثاني :
هنتحرك بغرزة وصل لاول عمود و بعدين نعمل 3 سلسله و نعمل عمود يطلع من نفس الغرزه و بعدين نفضل نشتغل عمودين في كل غرزه لحد ما نخلص الصف كله, نقفل و نغير اللون
4-الصف الثالث :
هنعمل 3 سلسله نعتبرها اول عمود و بعدين نعمل عمود في نفس الغرزه ,الغرزه اللي وراها نعمل فيها عمود واحد واللي بعدها عمودين و نفضل نبدل كده عمود عمودين لحد الاخر, نقفل و نغير اللون
"و انت بتغيري اللون اربطي العقده كويس و سيبي طرف للخيط دككيه و انت بتشتغلي في السطر الجديد"
5-الصف الرابع :
باللون الجديد هنعمل 3 سلسله و عمود في نفس الغرزه و بعدين "عمود,عمود,عمودين" ونكمل كده للاخر و نقفل و نغير اللون
6_الصف الخامس :
باللون الجديد نعمل 3 سلسله و عمود في نفس الغرزه و بعدين "عمود,عمود,عمود,عمودين" و نفضل نكرر اللي بين النجمتين للاخر و نغير اللون
و نفضل ما شيين كده كل مره نزود عمود لحد ما نوصل للمقاس اللي يريحنا في الشنطه و ساعتها نبطل نعمل عمودين و نشتغل لكل غرزه عمود واحد بس و نفضل مكملين بنغير الالوان طبعا لكل سطر لحد ما نوصل للمقاس اللي يريحنا فيها
7-اخر سطر :
نتاكد ان وش الشنطه لبره ناحيتنا و ندخل اللون الجديد نعمل 1 سلسله و نفوت غرزتين وندخل في التالته نعمل 7 عمود و نفوت غرزتين و نعمل في التالته نص عمود و نفوت غرزتين و في التالته نعمل 7 عمود.......و نفضل ما شين كده للاخر
**الايدين بيتعملوا زي ما يناسبك هما و الوردات,المقاس و الالوان اللي تحبيها :)
يا رب اكون افادتكوا و ياريت لو في اي تعليق او استفسار اكتبوهولي و انا تحت امركم و اللي يحب ينقل الطريقه يتفضل بس استاذنكوا يكتب منقول :)
